سوپای عێراق: "شێوازێكی نوێ بۆ راوەدوونانی تیرۆریستانی داعش پەیڕەو دەكەین"

هەولێر ــ AA

فەرماندەیی ئۆپەراسیۆنە هاوبەشەكانی عێراق رایگەیاند كە هێزە ئەمنییەكان شێوازێكی نوێ بە ئامانجی راوەدوونانی تیرۆریستانی داعش پەیڕەو دەكەن.

لەمبارەیەوە گوتەبێژی فەرماندەیی ئۆپەراسیۆنە هاوبەشەكانی عێراق، لیوا تەحسین خەفاجی ئاشكرای كردووە كە لەئێستادا، هێزە ئەمنییەكان شێوازێكی نوێ بە ئامانجی راوەدوونانی تیرۆریستانی داعش پەیڕەو دەكەن و گوتی:

"ئەو شێوازە نوێیە، پشت بە هەوڵەكانی هەواڵگریی، هەروەها بەكارهێنانی ئەو میكانیزم و سیستەمیە ئەمنییانە دەبەستێت كە یاریەمەتیدەر دەبن لە راوەدوونانی تیرۆریستانی داعش".

لیوا تەحسین خەفاجی ئاماژەی بەوەیشدا كە هێزە ئەمنییەكان، شێواز و میكانیزمی خۆیان بۆ راوەدوونانی تیرۆریستانی داعش گۆڕیوە و گوتی:

"بەپێی زانیاریی ورد و هەواڵگریی، شێوازی راوەدوونانی تیرۆریستانی داعش دەگۆڕدرێت كە ئەوەیش لەم ماوانەی دواییدا، هێزە ئەمنییەكان پەیڕەویان كردووە".