سلێمانی - AA
بەمەبەستی زیاتر بەرەوپێشبردنی کەرتی کشتوکاڵ و ئاژەڵداری لە هەرێمی کوردستان، یەکێتی ئەندازیارانی کشتوکاڵی کوردستان لە سلێمانی سیمینارێکی تایبەت بە روونکردنەوەی چۆنیيەتی بەکارهێنان و سوودەکانی ماددەی BSR رێکخست.
ئەمرۆ دووشەممە، ١١ی کانوونی دووهەمی ٢٠٢١ لە بەڕێوەبەرایەتی کشتوکاڵی سلێمانی، سیمینارێکی کەرتی تایبەت بەهاوکاری لقی سلێمانیی یەکێتی ئەندازیارانی کشتوکاڵی کوردستان بۆ کۆمپانیای (لایف سەنی تەیشن) (Life sanitation ) سازدرا.
سیمینارەکە تایبەت بوو بە بەکارهینانی جۆرێکی نوێ لە بەکتریای ئۆرگانی بەسوود کە دەدرێت بەئاژەڵ و پەلەوەر و هەنگ کە رزگاریان دەکات لەزۆر لەنەخۆشیەکان و چالاکیيان دەکات چونکە کاردەکات لە سەر پاککردنەوەی گازە زیانبەخشەکان و لەناوبردنی بەکتریای زەرەرمەند لەناو لەشی ئاژەڵەکاندا، بەناوی BSR.
