دەستگیرکردنی حەوت تیرۆریستی داعش لە نەینەوا باکووری عێراق

ھەولێر ــ AA

وەزارەتی ناوخۆی عێراق راگەیاند کە حەوت تیرۆریستی داعش لە پارێزگای نەینەوا باکووری عێراق دەستگیرکراون.

لە راگەیەندراوێکدا وەزارەتی ناوخۆی عێراق بڵاوی کردەوە کە ھێزەکانی ئاژانسی ھەواڵگریی سەربە بەڕێوەبەرایەتی ھەواڵگریی نەینەوا، حەوت تیرۆریستیان دەستگیرکردووە.

بەپێی راگەیەندراوەکە، ئەو حەوت تیرۆریستەی کە دەستگیرکراون، بەپێی ماددەی چواری تیرۆر بەتۆمەتی ئەندامبوون لە داعش داواکراوبوون.

راگەیەندراوەکەی وەزارەتی ناوخۆی عێراق ئاماژەی بەوەیشداوە کە دەستگیرکراوەکان، بە ئامانجی تەواوکردنی لێکۆڵینەوەکان دەستبەسەرکراون.