دەستگیرکردنی ئەندامێکی ھەواڵگریی داعش لە کەرکووک

ھەولێر ــ AA

وەزارەتی ناوخۆی عێراق راگەیاند کە ئەندامێکی ھەواڵگریی داعش لە پارێزگای کەرکووک باکووری عێراق دەستگیرکراوە.

وەزارەتی ناوخۆی عێراق لە راگەیەنراوێکدا ئاماژەی بەوەداوە کە ھێزەکانی ئاژانسی ھەواڵگریی سەربە بەڕێوەبەرایەتی ھەواڵگریی پۆلیسی فیدراڵ، تیرۆریستێکیان لە ناحیەی ریاز باشووری رۆژئاوای پارێزگای کەرکووک دەستگیرکردووە کە بەپێی ماددەی چواری تیرۆر بەتۆمەتی ئەندامبوون لە داعش داواکراوبوو.

بەپێی راگەیەنراوەکە، تیرۆریستە دەستگیرکراوەکە لە بەناو ھەواڵگریی کەرتی ریاز سەربە داعش ئەندامبووە.

لە کۆتایی راگەیەنراوەکە ئەوەخراوەتەڕوو کە دەستگیرکراوەکە، بە ئامانجی تەواوکردنی لێکۆڵینەوەکان لەگەڵیدا، دەستبەسەرکراوە بۆ ئەوەی رێوشوێنی یاسایی لەبەرامبەری، بیگرێتەبەر.