دادگایەکی عێراق سزای لەسێدارەدانی بۆ سێ تیرۆریستیی داعش دەرکرد

ھەولێر ــ AA

ئەنجوومەنی باڵای دادوەریی عێراق رایگەیاند کە سزای لەسێدارەدان بۆ سێ تیرۆریستیی داعش، بەتاوانی ئەنجامدانی کردەی تیرۆریستیی بۆسەر ھێزە ئەمنییەکان، دەرکراوە.

ئەنجوومەنی باڵای دادوەریی لە ڕاگەیاندراوێکدا ئاماژەی بەوەداوە کە دادگای تاوانەکانی ناوەندی، بەتاوانی ئەنجامدانی کردەی تیرۆریستی بۆسەر ھێزە ئەمنییەکان، سزای لەسێدارەدانی بۆ سێ تیرۆریستیی داعش دەرکردووە.

ڕاشیگەیاندووە کە سزاکە، پشت بەستن بە بڕگەکانی ماددەی چواری تیرۆر دەرکراوە.