خۆپیشاندانەکانی بەغدا پایتەختی عێراق پێکدادانی لێکەوتەوە

بەغدا - AA

لە شاری بەغدا پایتەختی عێراق، هاووڵاتییان دژبە خراپی خزمەتگوزارییەکان خۆپیشاندانیان ئەنجامدا، بەڵام پێکداهەڵپژان لەنێوان خۆپیشاندەران و هێزە ئەمنییەکان روویدا.

بەگوێرەی ئەو زانیارییانەی لە بەڕێوبەرایەتی تەندروستیی ناوچەی کەرخ رۆژئاوای رووباری دیجلە وەرگیراون لە گۆڕەپانی تەیەران نزیک گۆڕەپانی تەحریر، پێکداهەڵپژان لەنێوان هێزە ئەمنییەکان و خۆپیشاندەران دروست بووە و بەهۆی کاریگەری گازی فرمێسکڕێژەوە ١٣ خۆپیشاندەر بریندار بوون.

بەگوتەی شایەتحاڵەکانیش، هێزە ئەمنییەکان بۆ کردنەوەی رێگاکانی گۆڕەپانی تەیەران گازی فرمێسکڕێژیان بەکارهێناوە و خۆپیشاندەرانیش بە بەرد و مۆڵۆتۆڤ وەڵامیان داونەتەوە.

لە عێراق گرفتێکی گەورەی کەمی خزمەتگوزارییە سەرەتاییەکان هەیە و بەمهۆیەوە پیرێ لە بەغدا خۆپیشاندان و ناڕەزایەتییەکان دەستیان پێ کردەوە و بەهۆی تەقەی هێزە ئەمنییەکانەوە دوو کەس کوژران.