خزمەتگوزاری ئینتەرنێت لە عێراق گەڕایەوە

بەغدا - AA

دوای چەند كاتژمێرێك لە راگرتنی، جارێكی دیكە خزمەتگوزاری ئینتەرنێت لە بەغدا و شارەكانی ناوەڕاست و باشووری عێراق، گەڕایەوە.

پەیامنێرانی ئاژانسی ئانادۆڵو رایانگەیاند كە لە ئێستادا بەشێوەیەكی ئاسایی خزمەتگوزاری ئینتەرنێت لە بەغدا و شارەكانی ناوەڕاست و باشووری عێراق گەڕاوەتەوە و کار دەکات، هەورەها هیچ كێشەیەكی نییە.

بەیانی ئەمڕۆ سێشەممە بەهۆی بەردەوامی خۆپیشاندانەكانی دژ بە حكوومەت، خزمەتگوزاری ئینتەرنێت لە شاری بەغدا و شارەكانی ناوەڕاست و باشوور راگیرابوو.