تەقینەوەکەی کەرکووک شەش قوربانی لێکەوتەوە

کەرکووک - AA

کاتژمێر شەشی بەیانی روژی سێشەممە خۆکوژێک بە ئۆتۆمبێلی بۆمبڕێژکراو لەجۆری پیکاب تویتا لە بازگەی مەریەم بەگ باشووری کەرکووک خۆی تەقاندەوە و لەئەنجامدا ئافرەتێک کوژرا کە ئۆتۆمبێلەکەی لە پشتی ئەو ئۆتۆمبێلە بومبرێژکراوەدا بووە و پێنج کەسیش برینداربوونە کە چواریان کارمەندی پۆلیسی فیدڕاڵی و ئەوەی دیکە ھاووڵاتییەکی سڤیل بوو.

فەرماندەی فیرقەی پێنجی پۆلیسی فیدڕاڵی، لیوا حەیدەر متەوری بە ئاژانسی ئانادۆڵوی راگەیاند: "شکستمان بەو ھەوڵەی تیرۆریستان ھێنا کە بەنیازبوون بچنە ناو شاری کەرکووکەوە و کردەوەی گەورەی تیرۆریستی ئەنجامبدەن، بەڵام ھێزەکانمان لە بازگەکەدا پشکنینی وردیان بۆ ئۆتۆمبێلەکەدا کردبوو بۆیە شۆفێری ئۆتۆمبێلەکە خۆی تەقاندووەتەوە و لە ئەنجامدا شەش کەس بوونە قوربانی کە ئافرەتێک لەنێو بازگەکەدابوو کوژرا و چوار کارمەندی پۆلیسی فیدڕاڵی لەگەل ھاووڵاتییەک برینداربوون".

حەیدەر متەوری راشیگەیاند، لە ئێستادا دوو لە بریندارەکان باری تەندروستیان جێگیرە و نەخۆشخانەیان جێھێشتووە.

فەرماندەی فیرقەی پێنجی پۆلیسی فیدڕاڵی گوتیشی: "پاش زانیاری وردی ھەواڵگرییمان، خاوەنی ئۆتۆمبێلە بومبڕێژکراوەکەمان دۆزیەوە کە دانیشتووی گەڕەکی زیباعی تازەی سەربە حەویجەیە و دوای دەستگیرکردنی لەئێستادا لەژێر لێکۆڵینەوەدایە.