Sarmand Hameed
09 تشرینی دووەم 2021•نوێکردنەوە: 09 تشرینی دووەم 2021
ههولێر-AA
وهزیری پێشمهرگهی ههرێمی کوردستان، شۆڕش ئیسماعیل پێشوازیی له بهرپرسی ئۆفیسی هاریكاری ئاسایشی ئهمریكا له عێراق، كۆڵۆنێڵ ههنان و بهرپرسی ئۆفیسی هاریكاری ئاسایشی ئهمریكا له ههرێم، كۆڵۆنێڵ دۆگڵاس و بەرپرسی بەشی هاوکاری سوپا، کۆڵۆنێڵ جێرمی گوێن و ژمارهیهك له راوێژكارانی سهربازیی ئهو وڵاته له عێراق و ههرێمی كوردستان کرد.
بە گوێرەی ئەو راگەیەندراوەی کە لە وەزارەتی پێشمەرگەوە بڵاوکراوەتەوە، له كۆبوونهوهیهكدا، بریكار و ئهمینداری گشتیی وەزارەت و ژمارەیەک لە فەرماندە سەربازییەکانی پێشمەرگە ئامادهی بوون، شاندی باڵای راوێژکارانی سەربازیی ئەمریکا لە رێگەی وەزیری پێشمەرگەوە سەرەخۆشیان لە وەزارەتی پێشمەرگە و کەسوکاری ئەو دوو پێشمەرگەیە کرد، کە لەرۆژی ۳۰ی تشرینی یەکەمی رابردوو لە لایەن تیرۆریستانی داعشەوە شەهیدکران.
لەو کۆبوونەوەیەدا، شۆڕش ئیسماعیل پوختەیەکی لەسەر سیاسەت و تێڕوانینی حکوومەتی هەرێم خستەڕوو سەبارەت بە رەوشی ئێستای عێراقی دوای هەڵبژاردنەکان و بۆ ئەمەش رایگەیاند، خوازیاری ئەوەن هێمنی و ئارامی باڵ بکێشێت بەسەر ناوچەکەدا، بەو پێیەی گرژی و ئاڵۆزییەکان لە قازانجی هیچ لایەکدا نییە.
لەبەشێکی دیکەی کۆبوونەوەکەدا، وەزیری پێشمەرگە بوونى راوێژكاره نێودهوڵهتییهكان و هاوپهیمانان و راوێژكارانی سەربازیی و دیپلۆماتكارانی ئەمریکای لە هەرێمى کوردستان و عێراق بەپڕ بایەخ و گرنگ وەسفکرد، هیواشی خواست پاڵپشتییەکان بۆ هێزی پێشمەرگە و سوپای عێراق وەک هەمیشە بەردەوام بن.
لای خۆیەوە بهرپرسی ئۆفیسی هاریكاری ئاسایشی ئهمریكا لهعێراق رایگهیاند: "ئێمە زۆر بە بایەخەوە دەڕوانینە پەیوەندییەکانمان لەگەڵ عێراق و هەرێمی کوردستان، بەردەوامیش دەبین لە بەهێزکردنى پەیوەندییەکان لە سەرجەم بوارەکاندا و پابهندی خۆمان له ههماههنگی و هاوكاریكردن بۆ هێزی پێشمهرگه و هەرێمى کوردستان و عێراق دووپات دهكهینهوه، بۆ بنبڕكردنی مەترسییەکانی ئێستای تیرۆر و تیرۆریستان لهناوچهكهدا".
گوتیشی: "له دوایین دهرئهنجامهكانی دایهلۆگی ستراتیژیی نێوان ئهمریكا و عێراق، راوێژكاره سهربازییهكانی ئەمریکا لهعێراق و ههرێم دهمێنێتهوهو بەڵام هێزی شەڕکەری ئەمریکا نامێنێتەوە".
پرسی چاكسازیی له وهزارهتی پێشمهرگه و ههنگاوهكانی ئهو پڕۆسهیه و هاوكارییهكانی ئهمریكا بۆ هێزی پێشمهرگه، بهشێكی دیکەی گفتوگۆكانی ناو كۆبوونهوهكه بوو، لهوبارهیهوه ههردوولا بهگرنگییهوه لهو پڕۆسهیهیان روانی، هاوكات بهرپرسی ئۆفیسی هاریكاری ئاسایشی ئهمریكا له عێراق، بهردهوامبوونی هاوكارییهكانی پهیوهست كرد، به بهردهوام بوون و پێشخستنی پڕۆسهی چاكسازیی له وهزارهتی پێشمهرگه.
له كۆتایی كۆبوونهوهكهدا، لهسهر پرسی پهیوهندییهكانی ههرێم و بهغدا و پهرهسهندنهكانی ئهم دواییهی وهزارهتی پێشمهرگه و وهزارهتی بهرگریی عێراق لهسهر پێكهێنانی ناوهنده ئهمنییه هاوبهشهكان و ئهنجامدانی ئۆپهراسیۆنی هاوبهش، جهخت كرایهوه لهسهر نزیكبوونهوهی زیاتر و فراوانتر، لهوبارهیهوه بهرپرسی ئۆفیسی هاریكاری ئاسایشی ئهمریكا له بهغدا ئاماژهی بهوه كرد بۆ چارهسهری تهواوهتی كێشه و گرفتهكانی بهردهم پهیوهندییهكانی نێوان وهزارهتی پێشمهرگه و وهزارهتی بهرگریی و ئاراستهی رێككهوتنی نێوان ههردولا ههوڵهكانی خۆیان دهخهنهگهڕ.
