تۆپی پێ.. کامیرون بووە پاڵەوانی ئەفریقا

ئەنقەرە -AA

لە پاڵەوانیەتی جامی نەتەوەکانی ئەفریقا ٢٠١٧دا، میسرو کامیرون رووبەڕووی یەکتر بوونەوە و یارییەکە بەبردنەوەی کامیرون ٢-١ کۆتاییهات.

یارییەکە لە یاریگای ئانگۆندجی شاری لیبەرەبیلەی پایتەختی گابۆن بەرێوەچوو.

لە تایمی یەکەمدا یاریزانانی میسر یارییەکی باشیان کرد و لە خولەکی 22دا، محەمەد نینی یاریزانی یانەی ئارسناڵ ئینگلیزی تۆڕی گۆڵی کامیرونی هەژاند و ئەو تایمە بەپێشکەوتنی میسر کۆتاییهات.

بەڵام لە تایمی دووەمدا یاریزانانی میسر هیچیان پێ نەکرا و کامیرونییەکان دوو گۆڵی یەک لەدوای یەکیان لە ریگای نیکۆلاس نکۆلۆ و فانسۆن ئەبوبەکرەوە لە خولەکەکانی 59 و 88دا، تۆمار کرد و کامیرونیان کردە پاڵەوانی جامەکە.

بەو ئەنجامەش هەڵبژاردەی کامیرون کۆی نازناوەکانی ئەفریقای گەیاندە پێنج نازناو و میسر بەحەوت نازناو لە پێشەنگی هەڵبژاردەکانە.