Erbil Başay,Muhammet Ali Kemal
14 کانوونی یەکەم 2017•نوێکردنەوە: 15 کانوونی یەکەم 2017
بەرلین- AA
لە میانی یارییەکانی هەفتەی ١٦ی بۆندسلیگادا، یانەی بایەرن میونخ لەناو یاریگای خۆیدا، بە ئەنجامی یەک بە سفر لە یانەی کۆڵنی بردەوە.
یارییەکە لە یاریگای ئاڵییانز ئارێنا بەڕێوەچوو و تیایدا بایەرن میونخ میوانداریی کۆڵنی کرد.
یانە باڤارییەکە لە خولەکی ٦٠دا لە رێگەی گۆڵێکی رۆبەرت لیڤاندۆڤسکی-یەوە گۆڵێکی تۆمار کرد و هەر بەو گۆڵەش یارییەکەی بە ئەنجامی یەک بە سفر بردەوە و بووە خاوەنی سێ خاڵی یارییەکە.
بەو بردنەوەیەش بایەرن میونخ پێشەنگی ریزبەندیی، بووە خاوەنی ٣٨ خاڵ و کۆڵن-یش بە سێ خاڵ لە ریزبەندی کۆتاییدایە.
