"کورسی ئامرازێکە بۆ خزمەتکردن بە میللەت و نیشتمان"

بایبورت - AA

سەرکۆماری تورکیا و سەرۆکی گشتی ئاک پارتی، رەجەب تەیب ئەردۆغان رایگەیاند "ئەمەتان بیرنەچێت؛ کورسی هەتاهەتایی نییە. کورسی ئامرازێکە بۆ خزمەتکردن بە میللەت و نیشتمانەکەمان کە لە گیانی خۆمان ئازیز ترە، کورسی هەلێکە بۆ ئەمە".

رەجەب تەیب ئەردۆغان لە میانی بەشداریکردنی لە شەشەمین کۆنگرەی پارتەکەی لە بایبورت گوتەیەکی پێشکەش کرد.

سەرکۆماری تورکیا و سەرۆکی گشتی ئاک پارتی، رەجەب تەیب ئەردۆغان ئاماژەی بەوەدا کە دوای ئەوەی نەوەی ٢٠١٩دا لە تورکیا دێنە مەیدان، بە شێوەیەکی خێراو بەهێز بەرەو ئامانجەکانیان هەنگاو دەنێن و گوتی: "بەم تێگەیشتنەوە دەست دەکەین بە ئامادەکاریەکانمان بۆ ٢٠١٩ لە ئێستاوە. کۆنگرەی ئەمڕۆ ئامادەکاریە بۆ هەڵبژاردنەکانی ٢٠١٩. ئەمە گۆڕانێک و تازەبوونەوەیەکە. ئێستا ئێمە هەنگاو بۆ ئەمانە دەنێین. یەکێک لە تایبەتمەندیەکانی ئاک پارتی گۆڕانکاری و وەرچەرخانەکانیەتی و ئەوە لە پارتەکانی تری جیادەکاتەوە".