مەسرور بارزانی پێشوازی لە سەرۆکی بەرەی ئاشتی و ئازادی دەکات

هه‌ولێر - AA

سەرۆکوەزیرانی ھەرێمی کوردستان مەسرور بارزنی پێشوازی لە سەرۆکی بەرەی ئاشتی و ئازادی ئەحمەد ئەلجەربا کرد.

بەپێی ھەواڵێکی نووسینگەی رۆژنامەوانیی سەرۆکوەزیران لە دیدارەکەدا دوا پێشھات و گۆڕانکارییەکانی سووریا و ناوچەکە و ھەوڵەکانی کۆمەڵگەی نێودەوڵەتی بۆ چارەسەرکردنی پرسی سووریا و پەیوەندییەکانی نێوان ھێزە سیاسییەکانی کوردستانی سووریا و ئۆپۆزیسیۆنی سووریا تاووتوی کرا.

ئەوەشخراوەتەڕوو کە، لە بەشێکی دیدارەکەدا جەخت لە گرنگیی چارەسەرکردنی کێشەکانی سووریا کرا بە شێوەیەکی دادپەروەرانە کە لە بەرژەوەندی پێکھاتە جیاوازەکانی سووریادا بێت .