سەرۆکی یەکێتیی ئەورووپا و سەرۆکوزیرانی ئیستۆنیا لە ئەنقەرەیە

ئەنقەرە- AA

سەرۆکوەزیرانی تورکیا، بینالی یڵدرم لە رێورەسمێکدا پێشوازیی کرد لە سەرۆکی ئەم خولەی یەکێتیی ئەورووپا و سەرۆکوەزیرانی ئیستۆنیا، جوری راتاس کە بەسەردانێک لە تورکیایە.

رێورەسمی پێشوازییەکە لە کۆشکی چانکایا دوای لێدانی مارشی نەتەوەیی هەردوولا، بەڕێوەچوو.

بینالی یڵدرم دوای ئەنجامدانی کۆبوونەوەی دووقۆڵی لەگەڵ جوری راتاس و شاندی یاوەریدا، نیوەڕۆ خوانێک لەسەر شەرەفی هاوتا ئیستۆنییەکەی، پێشکەش دەکات.

چاوەڕوان دەکرێت لە میانی کۆبوونەوەکاندا، پەیوەندییە دووقۆڵییەکان، پەیوەندییەکانی نێوان تورکیا و یەکێتیی ئەورووپا و دوایین پێشهاتە ناوچەیی و نێودەوڵەتییەکان تاوتوێ بکرێن.