Arbil
هەولێر - AA
کاتژمێر هەشتی ئەمشەو، سەرکۆماری تورکیا ڕەجەب تەیب ئەردۆغان دوای سەردانەکەی بۆ بەغدا گەیشتە هەولێر و لەلایەن هەریەک لە سەرۆکی هەرێمی کوردستان نێچیرڤان بارزانی و سەرۆکوەزیرانی هەرێم مەسرور بارزانی و بەرپرسانی حکوومەتی هەرێم پێشوازی لێکرا.
بڕیارە لە سەردانەکەیدا بۆ هەولێر، سەرکۆماری تورکیا ڕەجەب تەیب ئەردۆغان چەند کۆبوونەوەیەکی لەگەڵ بەرپرسانی هەرێم هەبێت و لەسەر چەند تەوەرێک گفتوگۆ دەکەن.
سەرکۆماری تورکیا ڕەجەب تەیب #ئەردۆغان چەند کۆبوونەوەیەکی لەگەڵ بەرپرسانی هەرێم دەبێت و لەسەر چەند تەوەرێک گفتوگۆ دەکەن https://t.co/yMi8YO26Yq pic.twitter.com/rolgdhVVo7
— Anadolu Soranî (@aasorani) April 22, 2024
بەیانی ئەمڕۆ سەرکۆماری تورکیا ئەردۆغان گەیشتبووە بەغدا و لەگەڵ هەریەک لە سەرکۆماری عێراق عەبدوللەتیف ڕەشید و سەرۆکوەزیرانی عێراق محەمەد شیاع سوودانی کۆبووەوە و چەند ڕێککەوتننامە و یاداشتنامەیەکیان واژوو کرد.
هەر ئەمڕۆ بەسەرپەرشتی سەرۆکوەزیرانی عێراق، محەمەد شیاع سوودانی و سەرکۆماری تورکیا، ڕەجەب تەیب ئەردۆغان، یاداشتنامەیەکی چوار لایەنە لەنێوان عێراق، تورکیا، قەتەر و ئیمارات لەبارەی جێبەجێکردنی پڕۆژەی "ڕێگای گەشەپێدان" واژوو کرا.
بڕیارە هەر ئەمشەو دوای کۆبوونەوەکان، سەرکۆمار ئەردۆغان بەرەو تورکیا بگەڕێتەوە.
لە ڕێوڕەسمێکی فەرمیدا لە فڕۆکەخانەی هەولێر سەرۆکی #هەرێم نێچیرڤان بارزانی و سەرۆکوەزیران مەسرور بارزانی پێشوازی لە سەرکۆماری #تورکیا ڕەجەب تەیب #ئەردۆغان دەکەن pic.twitter.com/Lv8Ag6jrGR
