"داعش لە هیندستان بوونی نییە"

هیندستان ــ AA

وەزیری ناوخۆی هیندستان، راجناس سینگ رایگەیاند كە بە هیچ شێوەیەك داعش لە هیندستان بوونی نییە.

راجناس سینگ لە شاری نیودەلهی بۆ رۆژنامەوانان گوتی: "هێزە ئەمنییەكان لە نزیكەوە چاودێری وردی كردەكانی داعشیان كردووە و سەركەوتووانە توانیویانە رووبەڕووی ئەو كێشانە ببنەوە كە داعش لە هیندستان خوڵقاندبووی".

وەزیری ناوخۆی هیندستان گوتیشی: "هیندستان دووەم گەورە وڵاتە لە جیهان كە ژمارەیەكی زۆری موسوڵمانی لێیە سەرباری ئەوەی دەتوانین بلێین كە داعش نەیتوانیوە شوێن و پێگەی خۆی لەناو هیندستاندا هەبێت".

ژمارەی دانیشتوانی هیندستان، یەك ملیارو ٣٠٠ ملیۆن كەسە كە سەدا ١٤ی ئەو ژمارەیە موسوڵمانان.