Mohammed Baqi Hussein
04 حوزەیران 2017•نوێکردنەوە: 05 حوزەیران 2017
ئهنقهره - AA
وهزارهتی دهرهوهی توركیا له راگهیهنراوێكدا به توندی ئیدانهی پهلامارهكهی لهندهنی كرد كه له دهقهكهیدا هاتووه، "گهلی تورك و توركیا كه چهندین جار كراوهته ئامانجی پهلاماری هاوشێوه، هاوخهمی بۆ گهلی بەریتانیا دهردهبڕێت. وهك ههمیشه له بهرهنگاربوونهوهی تیرۆردا به ههموو شێوهیهك پشتگیری له بەریتانیا دهكهین".
له راگهیهنراوهكهی وهزارهتی دهرهوهدا وهبیرهێنراوهتهوه كه به داخ و پهژارهوه شهوی رابردوو ههواڵی پهلاماره تیرۆرستییهكهیان پێگهیشتووه.
له دهقی راگهیهنراوهكهدا هاتووه، "به توندترین شێوه ئیدانهی ئهو پهلاماره دڕندانهیه دهكهین".
ههروهها له راگهیهنراوهكهدا وێڕای سهرهخۆشی له كهسوكاری قوربانییان، هیوای چاكبوونهوه بۆ بریندارانی پهلامارهكهش خوازراوه.
