حووسییەکان خستنەخوارەوەی فڕۆكەیەكی سیخوری ئەمریكایان راگەیاند

سەنعا ــ AA

رێكخراوی حووسی لە یەمەن رایگەیاند كە چەكدارەكانیان فڕۆكەیەكی بێفڕۆكەوانی سیخوری ئەمریكایان لە شاری سەنعا خستووەتەخوارەوە.

كەناڵی مەسیرە زمانحاڵی رێكخراوی حووسی لە سەرچاوەیەكی چەكداری حووسی گواستووەتەوە كە هێزی بەرگری ئاسمانی سەربە حووسییەكان و هێزەكانی سەرۆكی پێشوو، عەلی عەبدوڵڵا ساڵح فڕۆكەیەكی بێفڕۆكەوانی سیخوری ئەمریكایان لەسەر ئاسمانی شاری سەنعا خستووەتە خوارەوە.

بە گوتەی سەرچاوەكە، فڕۆكەكە لە جۆری (ئێم كیو ـ ٩)یە كە بە چەكێكی قورس خراوەتە خوارەوە.

تا ئێستا ئەمریكا هیچ روونكردنەوەیەكی لەوبارەیەوە بڵاونەكردووەتەوە.