تورکیا، رووسیا و ئێران لە جنێڤ لەسەر پرسی سووریا کۆدەبنەوە

ئەنقەرە - AA

چاوەڕێ دەکرێت سبەینێ وەزیرانی دەرەوەی تورکیا، رووسیا و ئێران کۆببنەوە و کۆمیتەی نوسینەوەی دەستووری سووریا ئاشکرا بکەن.

بەپێی ئەو زانیاریانەی لە سەرچاوە دیپلۆماتیەکانەوە دەستکەوتوون، سبەینێ وەزیری دەرەوەی تورکیا، مەولود چاوشئۆغڵو، لە ئۆفیسی جنێڤی نەتەوەیەکگرتووەکان، لەگەڵ ھاوتا رووسی و ئێرانیەکەیدا کۆدەبێتەوە.

کۆبوونەوەکە بە سەرۆکایەتی نوێنەری تایبەتی نەتەوەیەکگرتووەکان بۆ کاروباری سووریا ستێفان دی میستورا، بەڕێوەدەچێت.

لە چوارچێوەی بڕیاری ژمارە ٢٢٥٤ی ئەنجومەنی ئاسایشی نەتەوەیەکگرتووەکان تایبەت بە قۆناغی راگوزەری سیاسی لە سووریا، پێشنیار کرابوو سەرلەنوێ دەستووری ئەو وڵاتە بنوسرێتەوە. لە کانوونی دووەمی ٢٠١٨ دا و لە کۆنگرەی دیالۆگی نیشتیمانیدا، لایەنەکانی سووریا و نوێنەرانی رووسیا،ئێران، تورکیا و نەتەوە یەکگرتووەکان، بڕیاریان دا لیژنەیەکی دارشتنەوەی دەستوور پێکبھێنن.

ئەو لیژنەیە کە لە ١٥٠ کەس پێکدێت، ٥٠ کەسیان لە ئۆپۆزسیۆنی سووری و ٥٠ کەسی دیکەش لە لایەنی سووری پێک دێن و دی میستوراش ٥٠ کەسی لە رۆشنبیر و نوێنەرانی رێکخراوەکانی کۆمەڵگەی مەدەنی پێکدەھێنێت.