بۆ ئامادەکاری لووتکەی سێقۆڵی شاندێکی پارتی دەگاتە سلێمانی

سلێمانی-AA

شاندێکی پارتی دیموکراتی کوردستان سەردانی سلێمانی دەکات و لەگەڵ هەریەک لە یەکێتیی نیشتمانیی کوردستان و بزووتنەوەی گۆڕان، کۆدەبێتەوە.

ئەمڕۆ شاندێکی پارتی کە پێکهاتوون لە ئەندامانی مەکتەبی سیاسیی، هۆشیار زێباری و مەحمود محەمەد و ئەندامی سەرکردایەتی، علی حسێن دەگاتە شاری سلێمانی.

شاندەکە سەرەتا لەگەڵ یەکێتی لە دەباشان کۆدەبێتەوە و دواتر سەردانی گردی زەرگەتە دەکات و لەگەڵ گۆڕان کۆدەبنەوە.

بەپێی زانیارییەکان هاتنی ئەم شاندە لە چوارچێوەی هەوڵەکاندایە بۆ بەستنی لووتکەی سێقۆڵی پارتی، یەکێتی و گۆڕان کە بڕیارە لە هەفتەی داهاتوو لە هەولێر ببەسترێت.