بارزانی پێشوازی له‌ سه‌لاحه‌دین به‌هائه‌دین کرد

هەولێر ـ AA

سه‌رۆكی هه‌رێمی كوردستان، مەسعود بارزانی پێشوازی له‌ ئه‌مینداری گشتی یه‌كگرتووی ئیسلامی كوردستان، مامۆستا سه‌لاحه‌دین محەمەد به‌هائه‌دین كرد.

بەپێی راگەیەنراوی کۆبوونەوەکە کە لە ماڵپەڕی فەرمی سەرۆکایەتی هەرێمی کوردستان بڵاوکراوەتەوە، له‌دیدارێكدا گفتوگۆ له‌باره‌ی بارودۆخی ناوچه‌كه‌ به‌گشتی و پرۆسه‌ی سیاسی له‌ عێراق و په‌یوه‌ندییه‌كانی نێوان هه‌رێمی كوردستان و به‌غدا كرا و تیشك خرایه‌ سه‌ر كاریگه‌ری ئه‌گه‌ر و پێشهاته‌كانی دوای تێكشكاندنی داعش به‌سه‌ر هه‌رێمی كوردستان.

له‌و دیداره‌دا به‌له‌به‌رچاوگرتنی ده‌رفه‌ت و ته‌حه‌دییاته‌كان جه‌خت له‌ بایه‌خی یه‌كڕیزی و یه‌كهه‌ڵوێستی هێز و لایه‌نه‌ سیاسیه‌كانی كوردستان كرایه‌وه‌ و هه‌نگاوه‌كانی چاره‌سه‌ركردنی كێشه‌ و كه‌موكوڕییه‌كانی هه‌رێمی كوردستان تاوتوێكرا و لێكتێگه‌یشتن و هاوڕاییه‌كان بۆ ته‌واوی پرسه‌كان به‌ سه‌ره‌تایه‌كی ئه‌رێنی دانرا بۆ چاره‌سه‌ركردنی كێشه‌كان كه‌ ببێته‌ هۆی باشكردنی باروگوزه‌رانی خه‌ڵكی هه‌رێمی كوردستان.