"ئەمریکا نایەوێت لە کرۆکی ئۆپەراسیۆنی لقی زەیتون تێ بگات"

ئەنقەرە - AA

جێگری سەرۆکوەزیرانی تورکیا، بەکر بۆزداغ رایگەیاند "لە دوا لێدوان و راگەیەنراوەکەیانیاندا دەردەکەوێت کە ئەمریکا یان لە کرۆکی ئۆپەراسیۆنی لقی زەیتون تێنەگەیشتووە یاخود نایەوێت لێی تێ بگات".

بەکر بۆزداغ گوتی: "ئۆپەراسیۆنی لقی زەیتون ئۆپەراسیۆنێک نییە بۆ سەر ھاووڵاتییانی بێگوناح و کورد؛ بەڵکو ئۆپەراسیۆنێکە بۆ سەر رێکخراوە تیرۆریستییەکان".

جێگری سەرۆکوەزیرانی تورکیا گوتیشی: "تورکیا ئۆپەراسیۆنێکی سەربازی بە سەرکەوتوویی بەڕێوە برد بێ ئەوەی زیان بە ھاووڵاتییانی سڤیل بگەیەنێت و ناوچەکانی نیشتەجێبوون وێران بکات".

بۆزداغ ئاماژە بەوەش کرد کە ئەوانەی پێویستە ستایشی تورکیا بکەن، ھێشتا بە زانیاری ھەڵە و نادروست ھەوڵی ئەنجامدانی جەنگی دەروونی لە دژی تورکیا دەدەن".