ئه‌ردۆغان: "ده‌بێت وڵاتانی ئیسلامی به‌یه‌كه‌وه‌ خه‌بات بكه‌ن بۆ ئاراكان"

ئه‌نقه‌ره‌ - AA

سه‌ركۆماری توركیا، ره‌جه‌ب ته‌یب ئه‌ردۆغان له‌ ده‌ستپێكی دانیشتنی لووتكه‌ی زانست و ته‌كنه‌لۆجیای رێكخراوی هاریكاری ئیسلامیدا گوتارێكی پێشكه‌ش كرد.

سه‌باره‌ت به‌ كۆمه‌ڵكوژیه‌كانی سه‌ر موسوڵمانانی ئاراكان، ئه‌ردۆغان رایگه‌یاند "ده‌مانه‌وێت له‌گه‌ڵ حكوومه‌ته‌كانی میانمار و به‌نگلادیش كاربكه‌ین بۆ به‌رگرتن له‌و تراجیدیا مرۆییانه‌ی له‌ ناوچه‌كه‌دا ده‌گوزه‌رێت".

گوتیشی: "داواكارییه‌كانمان ئاراسته‌ی به‌رپرسانی به‌نگلادیش كردووه‌ له‌ چاوه‌ڕوانی ئاسانكاری پێویست و هاوكاریكردنی ئه‌و موسوڵمانانه‌ی بۆ رزگاربوون له‌ فشار و كۆكوژیه‌كان په‌نایان بۆ وڵاته‌كه‌یان بردووه‌. رێكخراوه‌ نێوده‌وڵه‌تیه‌كان، به‌ تایبه‌تیش ئێمه‌ وه‌ك وڵاتانی ئیسلامی به‌یه‌كه‌وزه‌ خه‌بات ده‌كه‌ین و هه‌ر كارێك له‌ده‌ستمانبێت ئه‌نجامی ده‌ده‌ین بۆ كۆتاییهاتن به‌و سته‌مه‌".

- "هەرگیز رێگە نادەین بە پێشلکاری بەرامبەر پیرۆزێتی حەرەمی شەریف"

سەرکۆماری تورکیا گوتیشی: "هەرگیز رێگە نادەین بە پێشلکاری بەرامبەر پیرۆزێتی حەرەمی شەریف و یەکەمین رووگامان قودس. دەبێت هەڵوێستێکی زۆر پێداگیرانەتر دەرببڕین بۆ ئەوەی پێش بگرین بە بێڕێزی و وێرانکاری و کاری ئیستیفزازی بەرامبەر مزگەوتی ئەقسا".