کۆبوونەوەی تاڵیبان و بەرپرسانی ئەمریکا لە ئیمارات

کابول - AA

بە مەبەستی کۆتاییهێنان بەو شەڕەی کە ١٧ ساڵە لە ئەفغانستان بەردەوامە، نوێنەرانی رێکخراوی تاڵیبان و بەرپرسانی ئەمریکا لە ئیمارات، کۆبوونەوە.

لە راگەیەندراوێکدا کە لە لایەن گوتەبێژی تاڵیبان، زەبیحوڵڵا موجاهیدەوە بڵاوکراوەتەوە، ئاماژە بەوەکراوە لە کۆبوونەوەکانی دوێنێی نێوان نوێنەرانی تاڵیبان و بەرپرسانی ئەمریکادا، نوێنەرانی هەریەک لە سعوودیە، پاکستان و ئیمارات ئامادەبوون.

لە راگەیەندراوەکەی گوتەبێژی تاڵیباندا باس لەوەکراوە کە لە کۆبوونەوەکاندا تاوتوێی کشانەوەی ئەمریکا لە ئەفغانستان و بنیاتنانی ئاشتی لەو وڵاتە کراوە.

باس لەوەشدەکرێت کە کۆبوونەوەکان بەردەوام دەبن.

لە لایەکی دیکەوە لە راگەیەندراوێکدا کە لە لایەن سەرۆکایەتیی کۆماری ئەفغانستان-ەوە بڵاوکراوەتەوە، باس لەوەکراوە کۆبوونەوەکانی ئاشتیی لە نێوان تاڵیبان و حکوومەتی ئەفغانستاندا لە زووترین کاتدا دەست پێ دەکەن.

لە راگەیەندراوەکەدا تیشک خراوەتە سەر ئەوەی سەرۆکی شاندی ئەفغانستان، عەبدولسەلام رەحیمی کە بەشداریی لە کۆبوونەوەکان دەکەن، سەردانی ئیمارات-یان کردووە.

لە تشرینی یەکەمی رابردوودا، نوێنەرانی تاڵیبان و کاربەدەستانی ئەمریکا لە قەتەر کۆببوونەوە.