کۆبوونەوەی بلینکن لەگەڵ هاوتا ئازەری و ئەرمەنییەکەی

نیویۆرک - AA

وەزیری دەرەوەی ئەمریکا، ئەنتۆنی بلینکن لە کۆبوونەوەیدا لەگەڵ هاوتا ئازەری و ئەرمەنییەکەی، جەختی کردەوە لەسەر گەڕانەوە بۆ پرۆسەی ئاشتیی.

بەپێی راگەیەندراوێکی وەزارەتی دەرەوەی ئەمریکا، بلینکن لەگەڵ هەریەک لە وەزیری دەرەوەی ئازەربایجان، جەیهون بایرامۆڤ و وەزیری دەرەوەی ئەرمینیا، ئارارات میرزۆیان کۆبووەوە.

ئەم کۆبوونەوەیەی بلینکن کە یەکەم کۆبوونەوەی پاش سەرهەڵدانی دوایین گرژییەکانی نێوان هەردوو وڵاتە، تیایدا بلینکن پرسە و سەرەخۆشی خۆی گەیاند بۆ گیانلەدەستدانی ئەو کەسانەی لە شەڕ و پێکدادانەکاندا کوژراون.

بلینکن جەختی لەسەر بەرگرتن لە پێکدادانی زیاتر و گەڕانەوە بۆ پرۆسەی ئاشتیی کردەوە و لەگەڵ هاوتاکانیدا باسی لە هەنگاوی داهاتوو کرد کە چی دەبێت.