ئیستانبوڵ - AA

ڕابەری ئێران، عەلی خامنەیی بەبۆنەی ٤٧هەمین ساڵیادی شۆڕشەوە پێشنیاری لێخۆشبوون، سووککردن یان گۆڕینی سزای سەر دوو هەزار و ١٠٨ زیندانی پەسەند کرد.

بەپێی هەواڵێکی ئاژانسی هەواڵی میزانی سەر بە دەسەڵاتی دادوەری ئێران، خامنەیی پێشنیاری سەرۆکی دەسەڵاتی دادوەری وڵاتەکەی، غوڵام حوسێن موحسینی ئەژەیی بۆ لێخۆشبوون و سووککردنی سزای دوو هەزار و ١٠٨ زیندانی قبوڵ کردووە.

لە چوارچێوەی پێشنیارەکەدا، لە کۆی دوو هەزار و ١٠٨ زیندانی، ٩١٩ کەسیان بەهۆی ئەوەی سزای تاوانی تریان لەسەر نەبووە، لێخۆشبوونیان بۆ دەردەچێت و دۆسیەکانیان دادەخرێت، سزای سەر هەزار و ١٨٩ زیندانی دیکە سووک دەکرێت و سزای هەندێکیشیان دەگۆڕدرێت بۆ سزای دارایی.