پەیامی بایدن لە رۆژی سەربەخۆیی ئەمریکا "با داکۆکی لە دیموکراسی بکەین"

واشنتۆن – AA

سەرۆکی ئەمریکا، جۆ بایدن بەبۆنەی چواری تەمووز، رۆژی سەربەخۆیی ویلایەتە یەکگرتووەکانی ئەمریکا داوای کرد کە داکۆکی لە دیموکراسی بکەن.

جۆ بایدن بەبۆنەی چواری تەمووز رۆژی سەربەخۆیی ئەمریکا لەگەڵ کەسوکار و خانەوادەی سەربازان کۆبوویەوە و گوتارێکی پێشکەش کرد.

سەرۆکی ئەمریکا بە تیشک خستنە سەر ئەوەی کە وڵاتەکەیان هەمیشە بە رێگای خۆیدا رۆیشتووە، گوتی: "هەمیشە تاقیکردنەوەمان کردووە، بەڵام هەرگیز سەری خۆمان هەڵنەگرتووە".

جۆ بایدن بە ئاماژەدان بەوەی لە ئەمریکا و دەرەوەیش ئازادی 'لەژێر هێرش"دایە، گوتی: "هەموو رۆژێک بیری دەخەینەوە کە بەبێ دیموکراسی دڵنیایی لە هیچ شتێک نادرێت، بۆیە دەبێت لەو پێناوەدا خەبات بکەین و داکۆکی لە دیموکراسی بکەین".

سەرۆکی ئەمریکا بە ئاماژەدان بەو پەلامارە چەکدارییەی کە کرایە سەر چالاکی بەرزڕاگرتنی رۆژی سەربەخۆیی لە شاری شیکاگۆ، گوتی: "دەزانم ئەمڕۆ کە زۆربەی ئەمریکییەکان سەیری دەورووبەریان دەکەن، دەبینین ئەمریکا ئێجگار دابەش بووە و لەوە نیگەرانن. لەمە تێدەگەم، بەڵام ئێمە لە دابەشبوون زیاتر لە دۆخی یەکگرتووییداین".