پێکدادانی نێوان حدکا و سوپای پاسداران لە پاوە

هەولێر- AA

حیزبی دیموکراتی کوردستانی ئێران (حدکا) ئاشکرایکرد لە شاری پاوەی پارێزگای کرماشانی ئێران پێکدادان هاتووەتە ئاراوە، سڤیلێک و دوو پێشمەرگەیان گیانیان لەدەستداوە و سێ سەربازی ئێرانیی کوژراون.

لە راگەیەنراوێکدا کە لەلایەن حیزبەکەوە بڵاوکراوەتەوە، ئاماژە بەوەکراوە دوێنێ لەنێوان هێزەکانی ئەوان و سوپای پاسداراندا لە شاری پاوەی پارێزگای کرماشان پێکدادان روویداوە.

باس لەوەشکراوە کە پێکدادانەکە سێ کاتژمێری خایاندووە و دوو پێشمەرگەی حیزبی دیموکراتی کوردستانی ئێران گیانیان لەدەستداوە و سێ سەربازی سوپای پاسدارانیش کوژراون و هاووڵاتییەکی سڤیل بە ناوی فەرشاد چەچانی کە لەو کاتەدا لە ناوچەکە بووە، گیانی لەدەستداوە.

هێشتا ئێران سەبارەت بە پێکدادانەکەی پاوە، هیچ راگەیەنراوێکی بڵاونەکردووەتەوە.