"پێویستە جبەخانەی ناوەکی ھیندستان بەھەند وەربگیرێ"

ئیسلامئاباد - AA

سەرۆکوەزیرانی پاکستان، عیمران خان لە دوای ئەوەی کە ئیدارەی نیودەلھی ئاماژەی بەوەدا کە لەوانەیە سیاستی چەکی ناوەکی بگۆڕن، بانگھێشتی کۆمەڵگەی نێودەوڵەتی کرد کە پێویستە ئاسایشی جبەخانەی ناوەکی ھیندستان بەھەند وەبگیرێ.

عیمران خان لە ھەژماری تایبەتی خۆی لە تۆڕی کۆمەڵایەتی تویتەر رایگەیاند " پێویستە جیھان بە شێوەیەکی جددی ئاسایشی جبەخانەی ناوەکی ھیندستان بەھەند وەربگرێ کە لە ژێر کۆنترۆڵی حکوومەتی مۆدی فاشیست، رەگەزپەرست و نەتەوەپەرستی ھیند دایە".

راشیگەیاند کە ئەم پرسە تەنھا کێشەی ناوچەکە نییە بەڵکو کاریگەری لەسەر جیھان ھەیە ، داوای لە کۆمەڵگەی نێودەوڵەتیش کرد کە ھەنگاوی پێویست بنێت بۆ ئەوەی ئاسایشی جبەخانەی ناوەکی ھیندستان بخاتە ژێر گەرەنتییەوە.

خان راشیگەیاند کە چوار ملیۆن مووسڵمانی ھیندی رووبەڕووی مەترسی ھەڵوەشاندنەوەی مافی ھاووڵاتیبوون بوونەتەوە.

ئەم بانگھێشتەی سەرۆکوەزیرانی پاکستان دوای لێدوانێکی وەزیری بەرگری ھیندستان، راجناس سینگ دێت کە لە ناوەندی ناوەکی پۆخران لە ویلایەتی راجستان رایگەیاند پێدەچێت وڵاتەکەی سیاسەتی "خۆبەدوور گرتن لە بەکارھێنانی چەکی کیمیایی وەک لایەنی یەکەم" بگۆڕێت.