ئۆتۆمبێلێكی بۆمبڕێژكراو‌ له‌ قامیشلۆ ته‌قییه‌وه‌

ئه‌نقه‌ره‌ - AA

له‌ ئاكامی ته‌قینه‌وه‌ی ئۆتۆمبێلێكی بۆمبڕێژكراو به‌ بنكه‌یه‌كی مه‌شق و راهێنانی چه‌كداری رێكخراوی تیرۆریستیی یه‌په‌گه‌/په‌كه‌كه‌ له‌ شارۆچكه‌ی قامیشلۆ، لانیكه‌م سێ تیرۆریست كوژران.

سه‌رچاوه‌ خۆجێیه‌كان ئاماژه‌ به‌وه‌ ده‌ده‌ن ئۆتۆمبێلێكی بۆمبڕێژكراو له‌به‌رده‌م قوتابخانه‌یه‌كی قامیشلۆ كه‌ ماوەیەکی زۆرە رێکخراوی تیرۆریستیی یه‌په‌گه‌/په‌كه‌كه‌ كردوویه‌تییه‌ بنكه‌ی مه‌شق و راهێنانی چه‌كداری، ته‌قییه‌وه‌.

له‌ ئاكامی ته‌قینه‌وه‌كه‌دا، لانیكه‌م سێ تیرۆریست كوژراون و ژماره‌یه‌كی دیكه‌یش برینداربوون.

تا ئێستا دیار نییه‌ كه‌ چ لایه‌نێك هێرشه‌كه‌ی ئه‌نجامداوه‌.

شارۆچكه‌ی قامیشلۆ سەربە پارێزگای حه‌سه‌كه‌یە لە رۆژهەڵاتی سووریا و یه‌كێكه‌ له‌و ناوچانه‌ی كه‌ رێکخراوی تیرۆریستیی یه‌په‌گه‌/په‌كه‌كه‌ سه‌ره‌تا داگیریكرد.

یه‌ك له‌سه‌ر سێی خاكی سووریا له‌ لایه‌ن ئه‌و رێكخراوه‌ تیرۆریستییه‌وه‌ داگیركراوه‌.