پوتین و عەباس پرسی فەڵەستینیان تاوتوێ كرد

مۆسکۆ- AA

سەرۆکی رووسیا، ڤلادەمیر پوتین پەیوەندییەکی تەلەفۆنی لەگەڵ سەرۆکی فەڵەستین، مەحموود عەباس ئەنجامدا.

بە گوێرەی راگەیەندراوێکی کۆشکی کرملین، لەمیانی پەیوەندییە تەلەفۆنییەکەدا پوتین و عەباس پیرۆزبایی سەری ساڵی نوێیان لەیەکتری کردووە.

پوتین و عەباس دەربارەی پرسی فەڵەستین گفتوگۆیان کردووە، بیروڕایان ئاڵوگۆڕ کردووە و، هەردوولاش جەختیان لەوە کردووەتەوە کە "پێویستە بەزووترین کات دانوستانەکانی نێوان فەڵەستین و ئیسرائیل لەژێر چاودێری رووسیا، ئەمریکا، یەکێتی ئەورووپا و نەتەوە یەکگرتووەکان دەستپێبکاتەوە".