پاکستان.. کەوتنە خوارەوەی فڕۆکەیەک

فڕۆکەیەکی هێڵی ئاسمانی پاکستان کە زیاتر لە ٤٠ نەفەری هەڵگرتبوو لە کاتی ئەنجامدانی گەشت لە نێوان شارەکانی شیتراڵ و ئیسلام ئاباد لە گوندی کارپاڵ سەربە ناوچەی هەڤاڵیان باکووری ئەو وڵاتە، کەوتە خوارەوە.

رادیۆی پاکستان بڵاوی کردەوە، فڕۆکەیەکی هێڵی ئاسمانی پاکستان کە زیاتر لە ٤٠ نەفەری هەڵگرتبوو کە لەنێویاندا پێنج کەس لە تیمی فڕۆکەوانی فڕۆکەکە بوون، لە گوندی کارپاڵ سەربە ناوچەی هەڤاڵیان کەوتە خوارەوە.

هێڵی ئاسمانی پاکستان ئاماژەی بەوە دا بوو دوای ماوەیەک لە بەرزبوونەوەی فڕۆکەکە لە شاری شیتراڵ لەسەر شاشەی رادار دیار نەماوە.

ناوەندی راگەیاندنی سوپای پاکستان-یش رایگەیاند، بەمەبەستی یارمەتیدان، هەلیکۆپتەری سەربازی و یەکەیسەربازی رەوانەی ئەو ناوچەیە کردووە کە فڕۆکەکەی لێ کەوتووەتە خوارەوە.