ئەنقەرە ــ AA

وەزیری بازرگانیی تورکیا، عومەر بۆڵات ڕایگەیاند کە دووبارە سووریا، دەبێتە وڵاتێكی ترانزێت بۆ بارزگانی وەک پێش ساڵی ٢٠١١.

عومەر بۆڵات لە میانی کردنەوەی ٦٢ھەمین پێشانگای نێودەوڵەتیی دیمەشق ئاماژەی بەوەدا کە ئازادی جموجۆڵی ترانزیت لەگەڵ سووریا لە ڕۆژی پێنجشەممەوە دەست پێدەکات کە ئەوەش لە ڕووی زیادبوونی بازرگانی نێودەوڵەتی، سوودی بۆ سووریا، تورکیا و ناوچەکە دەبێت.

ھەروەھا وەزیری بازرگانیی تورکیا گوتی: "پەیوەندییەکی مێژوویی و کۆمەڵایەتیی قوڵمان لەگەڵ گەلی سووریادا ھەیە".

جەختی لەوەش کردەوە کە تورکیا بەردەم دەبێت لە پێشکەشکردنی یارمەتی و پاڵپشتی بە حکوومەتی سووریا لە سەرجەم بوارەکاندا.

باس لەوەش کرد کە تورکیا و سووریا ھەوڵدەدەن ھاریکارییە ھاوبەشەکانی نێوانیان لە بوارە جیاجیاکاندا زیاد بکەن بەتایبەتیش لە بوارەکانی دیپلۆماسی، بەرگریی، بارزگانی، پیشەسازی، کشتوکاڵ، گواستنەوە و وزە.

گوتیشی: "دووبارە سووریا، دەبێتە وڵاتێكی ترانزێت بۆ بارزگانی وەک پێش ساڵی ٢٠١١".