هێزه‌كانی حه‌فته‌ر دوای كۆنفرانسی بەرلین ئاگربه‌ستیان پێشێل كرد

ته‌رابلوس – AA

چه‌كدارانی هێزه‌ نایاساییه‌كانی خه‌لیفه‌ حه‌فته‌ر دوای كۆنفرانسی به‌رلین ناوچه‌ی سه‌ڵاحه‌ددین باشووری ته‌رابلوس-یان تۆپباران كرد و ئاگربه‌سته‌كه‌یان پێشێل كرد.

دوای ئه‌نجامدانی كۆنفرانسی به‌رلین به‌مه‌به‌ستی ده‌ستكردن به‌ پرۆسه‌ی سیاسیی و ئاگربه‌ستێكی یه‌كجاره‌كی له‌ لبییا ده‌نگی ته‌قینه‌وه‌ له‌ ته‌رابلوس بیسترا.

گوته‌بێژی ئۆپه‌راسیۆنی گڕكانی توڕه‌یی سه‌ربه‌ حكوومه‌تی ته‌بایی نیشتمانی لیبیا، عه‌بدولمه‌لیك مه‌ده‌نی به‌ په‌یامنێری ئاژانسی ئانادۆڵوی راگه‌یاند "هێزه‌كانی خه‌لیفه‌ حه‌فته‌ر به‌شێوه‌یه‌كی هه‌ڕه‌مه‌كی ناوچه‌ی سه‌ڵاحه‌ددینیان تۆپباران كرد و به‌مجۆره‌ ئاگربه‌سته‌كه‌یان پێشێل كرد".