هیندستان.. تا ئێستا ٢٤ كه‌س به‌هۆی بارانی به‌لێزمه‌وه‌ گیانیان له‌ده‌ستداوه‌

نیوده‌لهی – AA

ژماره‌ی ئه‌وکەسانه‌ی کە به‌هۆی ئه‌و بارانه‌ به‌لێزمه‌ی ویلایه‌تی كێرالا باشووری هیندستان گرتووه‌ته‌وه‌ گیانیان له‌ده‌ستداوه‌ گه‌یشته‌ ٢٤ كه‌س.

رۆژنامەی هیندوستان تایمز بڵاوی كرده‌وه‌، دوای ئه‌و بارانه‌ به‌لێزمه‌ی ویلایەتی كێرالای گرته‌وه‌، لافاوی له‌ناكاو و رۆچوونی زه‌وی روویان دا.

تا ئێستا به‌هۆی كاره‌ساته‌كه‌وه‌ ٢٤ كه‌س گیانیان له‌ده‌ستداوە و چه‌ندین كه‌سی دیكه‌یش بێسه‌روشوێنن.

به‌ڕێوه‌به‌رایه‌تیی كه‌شناسیی هیندستان هۆشداری زه‌ردی داوه‌ له‌ ئه‌گه‌ری تێكچوونی رەوشی كه‌شوهه‌وا له‌ ١١ ناوچەی سەربە ویلایەتەکە.