مەسرور بارزانی: "پاپا فرەنسیس کەسێکی پابەندی ئاشتی بوو"
سەرۆکوەزیرانی ھەرێمی کوردستان-عێراق، مەسرور بارزانی ڕایگەیاند: "بە کۆچی دوایی قەداسەتی پاپا فرەنسیس، جیھان دەنگێکی میھرەبانی و یەکگرتوویی لەدەستدا".
Arbil
ھەولێر ــ AA
سەرۆکوەزیرانی ھەرێمی کوردستان-عێراق، مەسرور بارزانی سەبارەت کۆچی دوایی پاپا فرەنسیس، ڕایگەیاند: " بە کۆچی دوایی قەداسەتی پاپا فرەنسیس، جیھان دەنگێکی میھرەبانی و یەکگرتوویی لەدەستدا".
مەسرور بارزانی بۆ کۆچی دوایی پاپای کڵێسای کاسۆلیکی و سەرۆکی دەوڵەتی ڤاتیکان، پاپا فرەنسیس پەیامێکی بڵاوکردەوە و تیایدا ھاتووە: "بە داخێکی زۆرەوە، ھەواڵی کۆچی دوایی قەداسەتی پاپای ڤاتیکانمان بیست و پرسە و سەرەخۆشیی قووڵی خۆمان ئاراستەی ڤاتیکان و باوەڕدارانی کاسۆلیک لە کوردستان،عێراق و جیھان دەکەین".
سەرۆکوەزیرانی ھەرێم دیدارەکەی لەگەڵ پاپا فرەنسیس کە لە ساڵی ٢٠٢١ لە ڕۆما بەڕێوەچوو، وەبیرھێناوەتەوە و ڕایگەیاندووە: "بە ڕێزەوە یادی دیدارەکانمان لەگەڵ پاپا فرانسیس لە ڕۆما و ساڵی ٢٠٢١ لە ھەولێر، وەک کەسێکی پابەند بە ئاشتی دەکەینەوە".
ھەروەھا باسی لەوەش کردووە: "دیدارە جەماوەرییەکەی پاپا لەگەڵ ھەزاران کەس لە ھەولێر، پەیامێکی بەھێز بوو کە کریستیانەکان لە کوردستان پارێزراو و ڕێزلێگیراون".
![](http://www.facebook.com/sharer.php?u=https://www.aa.com.tr/ks/جيهان/مەسرور-بارزانی-پاپا-فرەنسیس-کەسێکی-پابەندی-ئاشتی-بوو/3544376&p[images][0]=https://cdnuploads.aa.com.tr/uploads/Contents/2025/04/21/thumbs_b_c_667ab86dd453f49074c46f6af37d55b5.jpg?v=144745&p[title]=مەسرور بارزانی: "پاپا فرەنسیس کەسێکی پابەندی ئاشتی بوو"&p[summary]=سەرۆکوەزیرانی ھەرێمی کوردستان-عێراق، مەسرور بارزانی ڕایگەیاند: "بە کۆچی دوایی قەداسەتی پاپا فرەنسیس، جیھان دەنگێکی میھرەبانی و یەکگرتوویی لەدەستدا".){kind=link}