Ali Mukarrem Garip,Ramal Abdullah Mahmood
16 کانوونی یەکەم 2018•نوێکردنەوە: 17 کانوونی یەکەم 2018
كهركووك – AA
به هۆی ئهو شهپۆله بارانبارینه بهخوڕهی ههفتهی رابردوو ناوچهكهی گرتبووهوه مهترسی ئهوه ههیه پردی داقوق بڕووخێت كه درێژترین پردی عێراقه و ههردوو پاریزگای كهركووك و بهغدا بهیهكهوه دهبهستێتهوه.
بهڕێوهبهری فهرمانگهی رێگا و پردی پارێزگای كهركووك، كایماز دهمیرجی به پهیامنێری ئاژانسی ئانادۆڵوی راگهیاند، به هۆی ئهو لافاوهی له ئاكامی ئهو بارانبارینه بهخوڕهی ناوچهكهی گرتبووهوه زیان بهر پردی داقوق كهوتووه كه درێژیهكهی یهك كیلۆمهتره.
کایماز دهمیرجی ئاماژهی بهوه دا، پردهكه لهسهر ٢٣ پایه بونیات نراوه و گوتی: "لهگهڵ بهرزبوونهوهی ئاستی ئاو بهشی خوارهوهی پایهكانی پردهكه زیانیان بهركهوتووه و مهترسی رووخانی پردهكه ئێجگار زۆر بووه".
ناوبراو تیشكی خسته سهر ئهوهی وهك گرتنهبهری رێوشوێنی پێویست به شێوهیهكی كاتی هاتوچۆی ئۆتۆمبێله بارههڵگرهكانیان راگرتووه بهسهر پردهكهدا و له نزیكترین كاتدا دهست دهكهنهوه به نۆژهنكردنهوهی پردهكه.
