ماکرۆن لەگەڵ محەمەد بن سەلمان کۆدەبێتەوە

پاریس - AA

سەرکۆماری فەڕەنسا، ئێمانوێل ماکرۆن رایگەیاند کە لە چوارچێوەی لووتکەی G20 لە وڵاتی ئەرجەنتین لەگەڵ شازادەی جێنشینی سعوودیە، محەمەد بن سەلمان کۆدەبێتەوە.

ماکرۆن کە بەمەبەستی بەشداریکردن لە لووتکەی G20 سەردانی وڵاتی ئەرجەنتینی کردووە، لە شاری بوینس ئایرێس کۆنگرەیەکی رۆژنامەوانی لەگەڵ سەرۆکی ئەرجەنتین، ماوریسیۆ ماسری ئەنجامدا.

ماکرۆن راشیگەیاند کە لە لووتکەکەدا تاوتوێی پرسی کوشتنی رۆژنامەنووس، جەمال خاشقچی دەکات لەگەڵ وڵاتانی ئەورووپا و داواشی کرد کە گشت وردەکارییەکانی ئەو تاوانە ئاشکرا بکرێن.

ماکرۆن راشیگەیاند کە لە لووتکەی G20 کە بڕیارە لە ٣٠ی تشرینی دووەم و ١ی کانوونی یەکەم لە ئەرجەنتین ئەنجام بدرێ، لەگەڵ شازادەی جێنشینی سعوودیە، محەمەد بن سەلمان کۆدەبێتەوە و باسی رووداوی کوشتنی رۆژنامەنووس، جەمال خاشقچی دەکات.