لە ناوچەی ئۆپەراسیۆنی چنگ-قفڵ حەشارگەیەکی تیرۆریستان دۆزرایەوە

ئەنقەرە - AA

وەزارەتی بەرگریی تورکیا بڵاوی کردەوە، لەناوچەی ئۆپەراسیۆنی چنگ-قفڵ لە باکووری عێراق حەشارگەیەکی تیرۆریستان دۆزرایەوە.

لە ڕاگەیاندراوێکی وەزارەتی بەرگریی تورکیادا کە لەسەر تۆڕی کۆمەڵایەتی بڵاو کراوەتەوە، هاتووە، "هێزە قارەمانەکانی سوپای تورکیا بە بێ ڕاوەستان و ماندووبوون، لەسەر هەڵمەتەکانیان بەردەوامن و لە میانی هەڵمەتی گەڕان و پشکنینیان لە ناوچەی چنگ-قفڵ لە باکووری عێراق، حەشارگەیەکی تیرۆریستانیان دۆزیوەتەوە".

بە پێی ئەم ڕاگەیاندراوە، لە حەشارگەکەدا برێکی زۆر چەک و تەقەمەنی و هەروەها پێداویستی سەربازیی و ژیانی تیرۆریستان دەستی بەسەردا گیراوە.

وەزارەتی بەرگریی تورکیا دیمەنەکانی تایبەت بەو حەشارگەیەشی بڵاو کردووەتەوە.