لێدوانی بورهانهددین دوران له بارهی كهوتنهخوارهوهی فڕۆكهكهی سهرۆك ئهركانی سوپای لیبیا
بورهانهددین دوران: "له ئهنجامی كارهكانی گهڕانی تیمەکانی وەزارەتی ناوخۆ پاشماوەی فڕۆکە تێکشکاوەکە دۆزرایهوە و لە ئێستادا گشت دامەزراوە پەیوەندیدارەکانمان بە وردی و بەردەوامی سەرقاڵی کارکردنن لە شوێنی ڕووداوەکە".
Ankara
ئهنقهره - AA
سهرۆكی فهرمانگهی پهیوهندییهكان له سهرۆكایهتی كۆماری توركیا، بورهانهددین دوران، ئاماژهی بهوه كرد كه گەیشتوونەتە پاشماوەی ئەو فڕۆکە تایبەتەی سەرۆک ئەرکانی سوپای لیبیا، جەنەراڵ محەمەد عەلی ئەحمەد ئەلحەداد و چوار یاوەری و سێ تیمی فڕۆکەوانیی هەڵگرتبوو، هەروەها کارە پێویستەکان بە وردی بەردەوامن.
دوران لە هەژماری خۆی لە NSosyal باسی لهو فڕۆکە تایبەتە كرد، كه لە هایمانا کەوتە خوارەوە.
سهبارهت به ڕووداوهكه دوران ڕایگهیاند: "فڕۆکەیەکی تایبەت کە سەرۆک ئەرکانی سوپای لیبیا، جەنەراڵ محەمەد عەلی ئەحمەد ئەلحەداد و چوار یاوەری و سێ تیمی فڕۆکەوانی هەڵگرتبوو، کاتژمێر ٢٠:١٧ لە فڕۆکەخانەی ئهسهنبۆغا له ئهنقهره بەڕێکەوت، بەڵام کاتژمێر ٢٠:٣٣ بەهۆی کێشەی کارەباییهوە حاڵەتی نائاسایی ڕاگەیاند و داوای نیشتنەوەی بەپەلەی کرد".
گوتیشی: "ناوەندی کۆنترۆڵی ئاسمانیی، دووباره فڕۆکەکەی بەرەو فڕۆکەخانەی ئەسەنبۆغا ئاڕاستە کردەوە و له فڕۆكهخانهكه دهستكرا به ئامادەکاری پێویست، بەڵام کاتژمێر ٢٠:٣٦ فڕۆکەکە لە کاتی نزمبوونەوە بۆ نیشتنەوە لەسەر ڕادارەکان ون بوو و پەیوەندی لەگەڵدا پچڕا".
ههروهها دوران باسی لهوه كرد كه له ئهنجامی كارهكانی گهڕانی تیمەکانی وەزارەتی ناوخۆ پاشماوەی فڕۆکە تێکشکاوەکە دۆزرایهوە و لە ئێستادا گشت دامەزراوە پەیوەندیدارەکانمان بە وردی و بەردەوامی سەرقاڵی کارکردنن لە شوێنی ڕووداوەکە.
![](http://www.facebook.com/sharer.php?u=http://v.aa.com.tr/3779425&p[images][0]=https://cdnuploads.aa.com.tr/uploads/Contents/2025/12/24/thumbs_b_c_951f49ff4ef0c225828568eb2e509d23.jpg?v=112237&p[title]=لێدوانی بورهانهددین دوران له بارهی كهوتنهخوارهوهی فڕۆكهكهی سهرۆك ئهركانی سوپای لیبیا&p[summary]=بورهانهددین دوران: "له ئهنجامی كارهكانی گهڕانی تیمەکانی وەزارەتی ناوخۆ پاشماوەی فڕۆکە تێکشکاوەکە دۆزرایهوە و لە ئێستادا گشت دامەزراوە پەیوەندیدارەکانمان بە وردی و بەردەوامی سەرقاڵی کارکردنن لە شوێنی ڕووداوەکە".){kind=link}