له‌ باشووری حه‌له‌ب، هێلیكۆپته‌رێكی سه‌ربازی رووسی خرایه‌ خواره‌وه‌

یەکەکانی سەر بە ئۆپۆزسیۆنی سووریا خستنه‌خواره‌وه‌ی هێلیكۆپته‌رێكی سه‌ربازی سوپای رووسیایان له‌ باشووری شاری حه‌له‌ب راگەیاند.

به‌پێی ئه‌و زانیارییانه‌ی له‌ سه‌رچاوه‌ نێوخۆییه‌كانی حه‌له‌به‌وه‌ دەست ئانادۆڵو كه‌وتووه‌، یه‌كه‌كانی سەر ئۆپۆزسیۆن له‌ نزیك گوندی ته‌لسوڵتانی باشووری حه‌له‌ب، به‌ مووشه‌كی ئاڕاسته‌كراو هێلیكۆپته‌رێكی سه‌ربازیی سوپای رووسیایان خستووه‌ته‌ خواره‌وه‌.

سه‌رچاوه‌كان باسیان له‌وه‌ كرد سه‌رنشینانی هێلیكۆپته‌ره‌كه‌ گیانیان لە دەست داوە، به‌ڵام هیچ زانیارییه‌كیان له‌باره‌ی ژماره‌یانه‌وه‌ نه‌خستووته‌ روو.

تاکو ئێستا رژێمی سووریا و رووسیا، هیچ روونكردنه‌وه‌یه‌كیان له‌باره‌ی خستنه‌خواره‌وه‌ی ئه‌و هێلیكۆپته‌ره‌ بڵاونه‌كردووه‌ته‌وه‌.