سۆماڵ.. تەقینەوە لە مەقادیشۆ-ی پایتەخت

مەقادیشۆ- AA

لە مەقادیشۆ پایتەختی سۆماڵ، تەقینەوەیەکی گەورە لە نزیک بنکەیەکی ئاسایش و مۆڵێک روویدا.

بەگوێرەی زانیارییە بەراییەکان، تەقینەوەکە لە کاتی رێگریکردن لە پەلامارێکی خۆکۆژیدا روویداوە.

دوای تەقینەوەکەش ژمارەیەکی زۆر ئەمبوڵانس گەیشتنە شوێنی رووداوەکە.

تا ئێستاش حکوومەتی سۆماڵ هیچ راگەیەنراوێکی لە بارەی پەلامارەکەوە بڵاونەکردووەتەوە و هیچ لایەنێکیش بەرپرسیاریەتی خۆی لێ رانەگەیاندووە.

رێکخراوی تیرۆریستیی ئەلشەباب لە سۆماڵ چالاکە و ناوبەناو هێرش دەکاتە سەر هاووڵاتییانی مەدەنی و هێزە ئەمنییەکانی ئەو وڵاتە.