سووریا.. ھێرشی بۆمبی بەرمیلی بۆ سەر نەخۆشخانەیەک لە ئیدلب

ئیدلب - AA

لە ئاکامی ھێرشی رژێمی ئەسەد بە بەکارھێنانی بۆمبی بەرمیلی بۆ سەر ناوچەی ئیدلب، نەخۆشخانەیەک زیانی بەرکەوت.

ھێلیکۆپتەرەکانی سەر بە رژێمی ئەسەد، بە بۆمبی بەرمیلی ھێرشیان کردە سەر نەخۆشخانەیەک لە گوندی خاسی باشووری شاری ئیدلب.

بەپێی ئەو زانیاریانەی کە ئاژانسی ئانادۆڵو لە سەرچاوەکانی ناوخۆیی بەدەستیکەوتووە، ھێرشەکە ھیچ زیانێکی گیانی لێ نەکەوتووەتەوە.

فڕۆکە جەنگییەکان و ھێلیکۆپتەرە سەربازییەکانی سەر بە رژێمی سووریا و رووسیا ئەمڕۆ بە درێژایی رۆژ ناوچەکانی سەر بە ئیدلب و حەما و ھێڵی بەرەی گرووپە سەربازییە ئۆپۆزسیۆنەکانی دژ بە رژێمیان بۆردومان کرد.

بەپێی ئەو زانیاریانەی لە سەرچاوەکانی بەرگری شارستانی بەدەستکەوتوون، لە ئاکامی ئەو ھێرشانە حەوت سڤیل لە ناوچە جیاوازەکان گیانیان لەدەستداوە و حەوت سڤیلی دیکەش برینداربوون.