سووریا.. کردنەئامانجی ژمارەیەك خاڵی سەربازی

دیمەشق ــ AA

ئاژانسی هەواڵیی سانا سەر بە رژێمی بەشار ئەسەد بڵاویكردەوە، ژمارەیەك مووشەك ئاراستەی ژمارەیەك خاڵی سەربازی کراون لە هەردوو پارێزگای حەما و حەلەب.

سەرچاوەیەك لە هێزەكانی رژێمی سووریا بە ئاژانسی هەواڵیی سانای راگەیاندووە، شەوی رابردوو، ژمارەیەك مووشەك ئاراستەی ژمارەیەك خاڵی سەربازی کراون لە سنووری پارێزگاكانی حەما و حەلەب.

دوێنێ‌ سانا ئەوەی بڵاوكردبوویەوە كە دەنگی تەقینەوە لە هەردوو ناوچەكە دەبیسترێت و لایەنە پەیوەندیدارەكان لێكۆڵینەوە لە هۆكاری تەقینەوەكان دەكەن.

تا ئێستا ئیسرائیل وەڵامی ئەو راپۆرتە رۆژنامەوانیانەی نەداوەتەوە كە باس لەوە دەكەن، گوایە هۆكاری تەقینەوەكان ئەو بۆردومانە بووە كە فڕۆكە جەنگییەكانی ئیسرائیل ئەنجامیانداوە.