سووریا.. هێرشی ئاسمانی بۆسەر ئیدلب بەردەوامە

ئیدلب-AA

لە هێرشی ئاسمانیی بۆسەر ناوچەکانی مەدەنی لە سنوورەکانی "ناوچەی کەمکردنەوەی گرژییەکان لە ئیدلب" سێ کەسی مەدەنی کوژران و ١٥ی تریش برینداربوون.

شەوی رابردوو هێرشەکان دەستان پێ کرد، هێرشی ئاسمانی و وشکانی لە ناوەندی شاری ئیدلب، شارۆچکەکانی خان شەیخۆن و سەراقب و گوندەکانی ئەلخوەین و ئوم جەلال ئەنجامدران.

بەپێی سەرچاوەکانی بەرگریی شارستانی لە ئەنجامی هێرشە ئاسمانییەکاندا، سێ کەسی مەدەنی کوژراون و ١٥ی تریش برینداربوون.

لە تۆڕی کۆمەڵایەتی سۆشیال میدیا ماڵی چاودێری فڕۆکە سەربە ئۆپۆزسیۆن بڵاوکراوەتەوە، فڕۆکەیەکی SU-34ی رووسی کە لە بنکەی سەربازی حمێمیم فڕیوە، هێرش دەکاتە سەر ئیدلب.