سلێمانی.. تەرمی نەوشیروان مستەفا بەخاك سپێردرا

سلێمانی -AA

بەخاكسپاردنی تەرمی نەوشیروان مستەفا دوای گەیشتنی بە گردی زەرگەتە هات كە سەرلەبەیانی ئەمڕۆ لە مزگەوتی گەورەی شاری سلێمانی نوێژی مردووی لەسەركرا و بە ئاپۆڕایەكی جەماوەری بەرەو گردی زەرگەتە كە مەكۆی سەرەكی گۆڕان و ماڵەكەی لێیە بەرێکرا.

لە رێوڕەسمی بەخاكسپاردنی نەوشیروان مستەفا هەزاران كەس لە بەرپرسانی حزبی و حكوومی عێراقی و هەرێمی كوردستان ئامادەن.

بڕیارە پاش كەمێكی تر لەسەر گۆڕەكەی پەیامی پێنج لایەنە سەرەكییەكەی هەرێمی كوردستان و بنەماڵەكەی بخوێندرێتەوە.

سەرلەبەیانی دوێنێ‌ هەینی ٢٠١٧/٥/١٩ رێكخەری گشتی بزووتنەوەی گۆڕان، نەوشیروان مستەفا دوای هەفتەیەك لە گەڕانەوەی لە وڵاتی بەریتانیا و مانەوەی لە ماڵەكەی خۆی لە شاری سلێمانی، كۆچی دوایی كرد.