سعوودیە ھێرشە مووشەکییەکەی سەر ھەولێر ئیدانە کرد

ھەولێر ــ AA

وەزارەتی دەرەوەی سعوودیە ئەو ھێرشە مووشەکییەی کە شەوی رابردوو کرایە سەر فڕۆکەخانەی نێودەوڵەتی ھەولێر بە ھەڕەشە بۆسەر ئاسایشی و سەقامگیری عێراق و ناوچەکە لەقەڵەمدا و رایگەیاند کە بەتوندی ئیدانەی دەکەن.

وەزارەتی دەرەوەی سعوودیە لە راگەیەنراوێکدا ئاماژەی بەوەداوە کە بە نیگەرانییەوە چاودیری ئەو ھێرشەی کردووە کە شەوی رابردوو کرایە سەر فڕۆکەخانەی نێودەوڵەتیی ھەولێر و ھاتووە:

"بەتوندی ئیدانەی ئەو ھێرشە دەکەین کە ھەڕەشەیە بۆسەر ئاسایش و سەقامگیری عێراق و ناوچەکە، ھەروەھا سەلامەتی گەشتە ئاسمانییەکان".

باسی لەوەشکردووە کە ئەنجامدانی ئەو جۆرە ھێرشانە، کاریگەریی خراپی لەسەر ھەوڵەکانی ھاوپەیمانیی نێودەوڵەتیی دژبە داعش بۆ یارمەتیدانی عێراق لەشەڕی دژبە تیرۆر دەبێت.

وەزارەتی دەرەوەی سعوودیە لە راگەیەنراوەکەیدا، پاڵپشتی خۆی بۆ ھەوڵەکانی حکوومەتی عێراق لەشەڕی دژبە رێکخراوە تیرۆریستییەکان دووپاتکردووەتەوە.