Zana Natık Kerem
29 مای,س 2018•نوێکردنەوە: 30 مای,س 2018
مەئرەب ــ AA
وەزیری ئەوقافی یەمەن، ئەحمەد عەتییە رایگەیاند کە دوای سێ ساڵ، سعوودیە دەرگای عومرەی بە رووی یەمەنییەکاندا کردەوە.
لە روونکردنەوەیەکدا ئەحمەد عەتییە ئاماژەی بەوەداوە کە بە پێی فەرمانێکی شاھانەی سعوودیە، رەزامەندی لەسەر کردنەوەی دەرگای عومرە بە رووی یەمەنییەکاندا دراوە.
وەزیری ئەوقافی یەمەن راشیگەیاندووە کە لەمساڵەوە، یەمەنییەکان دەتوانن بۆ ئەنجامدانی عومرە بچنە سعوودیە.
ئەحمەد عەتییە باسی لەوەشکردووە کە ئەم بڕیارەی سعوودیە دوای ئەوەدێت کە ماوەی سێ ساڵ بوو بە ھۆی شەڕ و پێکدادانەکان لە یەمەن، ریاز رێگەی هاووڵاتییانی یەمەن نەدەدا بۆ ئەنجامدانی عومرە بێنە سعوودیە.
