روحانی داوایەک لە سوپای وڵاتەکەی دەکات

ئەنقەرە - AA

سەركۆماری ئێران، حەسەن روحانی بۆ دوورخستنەوەی ئاوی لافاو لە شارەكان، بانگەوازی لە دامەزراوە سەربازییەكان كرد.

بە سەرۆكایەتی روحانی لە تارانی پایتەخت كۆبوونەوەی چۆنیەتی مامەڵەكردن لەگەڵ كارەساتی لافاودا بەرێوەچوو كە بەشێكی زۆری ئێرانی گرتووەتەوە.

لە كۆبوونەوەكەدا روحانی بانگەوازی لە دامەزراوە سەربازییەكان کرد بۆ دوورخستنەوە و دەركردنی ئاوی لافاوەكە و گوتی:

"هەنگاوی یەكەم دەركردنی ئاوی لافاوە لە شارەكاندا. دەمەوێت سوپا و سوپای پاسداران خێراتر مامەڵە بكەن لە دەركردن و دوورخستنەوەی ئاوی لافاو لە شارەكاندا. دامەزراوەكانی دیكەش بەو توانای هەیانە ساتێك زووتر ئاوی لافاوەكە دووربخەنەوە".