دوو بوومه‌له‌رزه‌ باكووری رۆژهه‌ڵاتی ئێران-یان هه‌ژاند

تاران – AA

دوو بوومه‌له‌رزه‌ به‌گوڕەکانی ٥،٥ و ٥،٤ پلە لەسەر پێوەری رێختەر، پارێزگای خۆراسانی باكوور باكووری رۆژهه‌ڵاتی ئێران-یان هه‌ژاند.

بنكه‌ی بوومه‌له‌رزه‌ناسی زانكۆی تاران رایگه‌یاند، ناوه‌ندنی هه‌ردوو بوومه‌له‌رزه‌كه‌ شارۆچكه‌ی جاجه‌رم بووه‌ له‌ خۆراسانی باكوور و كاتژمێر ٠٣:٣٤ و كاتژمێر ٠٥:٢٤ روویانداوه‌.

به‌پێی زانیارییه‌ به‌رایییه‌كان زیانی گیانی له‌ بوومه‌له‌رزه‌كان نه‌كه‌وتووه‌ته‌وه‌ و تەنها ژماره‌یه‌ك خانوو زیانیان به‌ركه‌وتووه‌.

بوومه‌له‌رزه‌كان له‌ قوڵایی ١٦ كیلۆمه‌تر و ١٠ كیلۆمه‌تر له‌ توێكڵی زه‌ویدا روویان داوه‌ و تیمه‌كانی فریاکەوتن ره‌وانه‌ی ناوچه‌كه‌ كراون.